sábado, 30 de abril de 2016

O 1º de Maio comezo dunha primavera de mobilización e loita

AS MARCHAS DA DIGNIDADE PROMOVEN A PARTICIPACIÓN NAS MOBILIZACIÓNS QUE VAN TER LUGAR NA NOSA CIDADE




“Que as rúas se enchan de voces e vontades para rematar co sistema inxusto que nos escraviza e empobrece. Viva o 1º de Maio!”

“O 1º de Maio comezo dunha primavera de mobilización e loita”


A situación política, social e económica está atravesando un dos peores momentos dos últimos tempos... A corrupción e o latrocinio xeneralizado, o apuntalamento dun sistema que permite a inxustiza, o empobrecemento e deterioro das condicións de vida de millóns de persoas... A xeneralización do traballo escravo, precarizado e sen dereitos... A falta de perspectiva para os nosos sectores produtivos, no agro, na pesca, na industria... O deterioro do medio ambiente, a destrución das nosas rías... É urxente frear as políticas que nos afunden en beneficio das transnacionais e dos máis ricos, das persoas cobizosas que acumulan toda a riqueza e o esforzo do noso traballo. Cumpre denunciar o TTIP (Tratado Trasatlántico de Comercio e Investimentos entre EEEUU e a Unión Europea) e esixir unha pasaxe segura para as refuxiadas e inmigrantes, denunciando a deportación e os campos de internamento. Necesitamos unha outra sociedade, xusta e equitativa que pense no benestar e na saúde das persoas. Saiamos á rúa para defender os nosos dereitos como persoas, como pobo, con dereitos, con liberdade, pan, traballo e teito.

Para as Marchas da Dignidade, este 1º de Maio é o comezo dunha primavera de loita e mobilización. O próximo 28 de Maio, en Lugo, imos construír entre tod@s unha Muralla de Dignidade. Noutras nacións, comunidades e pobos do estado van-se mobilizar ese día nun esforzo de acumular forzas contra inimigo común: as políticas do Capital transnacional e financeiro, que nos escraviza e somete.

A nivel mundial están convocadas mobilizacións anticapitalista o vindeiro 15 de Maio promovidas polos movementos #NuitDebout que ocupan as prazas en toda Francia e que se estenderon por todo o mundo contra unha democracia secuestrada por corruptos e banqueiros. Malia a violenta represión das forzas de policía e o silencio dos medios de comunicación, rapidamente contaxiouse nunhas poucas semanas, este vento de esperanza en toda Europa. Desde Madrid a Atenas e Turquía, logo de Nova York a Brasil e México, e finalmente ata Hong Kong, en todas partes, en cada praza. Este 15M ás 6 da tarde na Praza de Armas, de Ferrol, as Marchas da Dignidade promoveremos e participaremos nun acto unitario.


Ferrolterra, Maio 2016


---------

domingo, 24 de abril de 2016

Participa na Asemblea das Marchas da Dignidade de Ferrolterra, este venres 29 de Abril ás 6 da tarde, no Ateneo ferrolán


ASEMBLEA DAS MARCHAS DA DIGNIDADE DE FERROLTERRA

Día: venres 29 de Abril.
Hora: 18:00 horas.
Lugar: Ateneo Ferrolán 3º Andar (Rúa Madalena, 202-204).

Puntos a tratar:

1. Decidir sobre propostas 1º de Maio.

2. Mobilizacións do mes de Maio.

- 28 de Maio manifestación Lugo.
. Primeiras tarefas a realizar.
. Presuposto dos buses a Lugo.
. Campaña nas redes sociais.

Axúdanos a difundir o evento no facebook
https://www.facebook.com/events/1773664319530143/

Á rúa, que xa toca. As Marchas da Dignidade volven a loitar polos dereitos que nos están a roubar. Non podemos deternos fronte á corrupción, o paro, as privatizacións, a Troika, o TTIP, o cambio climático...
Temos que loitar na rúa.


-Debate sobre as mobilizacións europeas de Occupy e 15M do 14, 15 de Maio.

Evento en facebook:

https://www.facebook.com/events/551217631746164/

"Xente de Europa, xente do mundo.
O 15 de maio de 2011, logo doutra protesta contra políticos , banqueiros e contra as radicais medidas de austeridade que sufriu España, un pequeno grupo de persoas decidiu que unha manifestación non era suficiente, non volveu a casa e continuou o debate na praza da Porta do Sol.
A razón era clara e simple, a nosa democracia caera en mans dos banqueiros e os nosos políticos corrompéronse. Xa non nos representaban. Era a hora de que a xente recuperase o poder para dar significado á palabra democracia. Malia a violenta represión das forzas de policía e o silencio dos medios de comunicación, rapidamente contaxiouse nunhas poucas semanas este vento de esperanza en toda Europa. Desde Madrid a Atenas e Turquía , logo de Nova York a Brasil e México, e finalmente ata Hong Kong en todas partes as prazas foron ocupadas por campamentos de soñadores que aspiraban a construír unha nova forma de democracia directa e participativa. Seguindo o modelo da Primavera Árabe a xente de abaixo comezou a organizarse en asembleas populares para crear o comezo dun movemento internacional de toda a humanidade, horizontal, e apartidista. O 15 de outubro de 2011 na Convocatoria de Occupy Wall Street un grito de democracia real resoou en máis de 1.000 cidades.

(texto provisional, desenvolvéndose nas asembleas de NuitDebout)
"


3. Información dos grupos de traballo:

-Naval.

-Plan de Choque Contra o Paro, polo Emprego e Renda Básica.


4.Varios:

- Xuntanza da Coordenadora Galega en Compostela, este luns 2 de Maio.
- proposta do Foro Cívico de premanifestacións ao 28 de Maio, coincidindo coa mobilización europea do 15M.

--------------

luns, 11 de abril de 2016

PARTICIPA NA ASEMBLEA DAS MARCHAS DA DIGNIDADE DE FERROLTERRA





Este mércores 13 de Abril no Ateneo en Ferrol. Inicio da asemblea ás 19:15, remate ás 20:55.
Antes ás 18:00 no mesmo Ateneo, o Comité Cidadán de Emerxencia para a Ria de Ferrol, convócanos a toda a cidadanía, a arroupar a rolda de prensa onde se explicará a recente sentencia do Tribunal Supremo,contra Reganosa http://artabra21.blogspot.com.es/2016/04/segunda-sentenza-en-firme-do-tribunal.html

1. Decidir sobre o Plan de Resposta Rápida.

-Plan de Resposta Rápida marchas da dignidade de ferrolterra.

-Plan de Resposta Rápida da Columna Galega das Marchas da Dignidade.


2. Debate propostas 1º de Maio

-Convite da CNT Ferrol.

3. Grupo de correo das marchas da dignidade de ferrolterra.

Quen poida levar un ordenador portátil con conexión a internet, para que as persoas que se acheguen, poidan aprender a manexar o grupo de correo.

4. Xornada de traballo sobre o Plan de Choque Contra o Paro polo Emprego e Renda Básica.

-O sábado 16 de Abril no local de Fuco Buxán en Caranza de 18:00 a 21:00

5.Información grupo de traballo sobre o naval

6.Varios


........