martes, 29 de marzo de 2016

Asemblea das Marchas das Dignidade Ferrolterra, este mércores 30 de Marzo ás 19:15hs no Ateneo en Ferrolán


PARTICIPA NA ASEMBLEA DAS MARCHAS DA DIGNIDADE FERROLTERRA


Este mércores 30 de Marzo ás 19:15hs no Ateneo Ferrolán.

Coa seguinte orde do día:

1. Debate sobre o Plan de Resposta Rápida:
O compañeiro André achega dúas propostas de Plan de Resposta Rápida para o debate. Unha para as Marchas da Dignidade de Ferrolterra, e outra para presentar como proposta para a Columna Galega das Marchas da Dignidade. Van en dous tipos de formato, libre odt. e privativo doc. , para o que mellor vos abra nos vosos ordenadores e móbiles.
2. Información de como van as xornadas de traballo, e proposta de data, hora e lugar, para unha nova xornada de traballo sobre o Plan de Choque Comarcal Contra o Paro, polo Emprego e Renda Básica.

3. Información sobre o grupo de traballo do naval. A anterior convocatoria suspendeuse por falta quorum. E a que está prevista para este mércores ás 18:00hs, non se convoca. Para debater nesta asemblea se hai capacidade, se paga a pena ou non, continuar con o grupo de traballo. Ou pola contra, ampliar o punto que temos no Plan de Choque Comarcal Contra o Paro, polo Emprego e Renda  Básica, no que falamos da necesaria reactivación dos estaleiros, e que presentamos nos 20 concellos das tres comarcas.

4. Varios

Marchas da Dignidade Ferrolterra

Contacto:

Correo-e: marchasdadignidadeferrolterra@gmail.com  |
Teléfono: 602 587 531 |

PAN, TRABALLO E TEITO - Á RÚA, QUE XA É HORA!!!

|||||||||||||||||||

martes, 22 de marzo de 2016

Xornada de Traballo para un Plan Comarcal de Choque contra o Paro, polo Emprego e a Renda Básica (Segunda Sesión).


Este mércores 23 de Marzo, continuamos coas Xornadas de Traballo para un Plan Comarcal de Choque contra o Paro, polo Emprego e a Renda Básica, ás 18:00 horas no local de Fuco Buxán en Caranza (Rúa Armada Española, 32 Baixo).

O obxectivo destas xornadas de traballo, é intentar desenvolver unhas bases mínimas sobre as que construír o Plan de Choque Comarcal Contra o Paro, polo Emprego e a Renda Básica, para poder ter información e argumentos de peso nas posibles reunións de traballo que poidamos ter cos diferentes gobernos municipais. Mais tamén ir perfilando o posicionamento político e a estratexia, para quen preside as administracións locais das tres comarcas do noroeste galego, tomen a iniciativa e se preocupen a fondo nas solucións ao declive industrial, social, demográfico e económico na que estamos inmersos nesta moi rica zona de 20 concellos e de 196.203 habitantes.

Neste enlace están os datos dos concellos  http://asmarchaspoloemprego.blogspot.com.es/

Na primeira sesión das Xornadas, elaboramos unha guía de traballo cos horarios á que achegamos: Acceder/Baixar.

Marchas da Dignidade Ferrolterra

Contacto:
Correo-e: marchasdadignidadeferrolterra@gmail.com  |
Teléfono: 602 587 531 |

|||||||||||||||||||||

sábado, 5 de marzo de 2016

O 28 de Maio estaremos na Rúa


O próximo 28 de Maio están previstas mobilizacións en toda Europa para facer fronte ás políticas que nos empobrecen, que nos quitan dereitos, que privatizan os servizos públicos, que privatizan os recursos naturais, que lexislan para favorecer ás grandes multinacionais e corporacións, que favorecen as crueis guerras, que contaminan e poñen en perigo a biosfera... que nos recortan dereitos e liberdades que nos queren impoñer tratados internacionais de comercio e investimento, como o TTIP, o CETA ou o TISA, contra a clase traballadora e o medio ambiente, en beneficio exclusivo das grandes corporacións empresariais transnacionais da cobiza e o saqueo "que eliminan o que consideran barreiras ao comercio: os dereitos e normas que protexen á cidadanía, aos traballadores/as ou ao medio ambiente"...

Son políticas que se o pobo nos unimos e saímos á rúa, podemos detelas, como se demostrou o pasado 27 de Febreiro na multitudinaria manifestación en defensa do mar que conseguiu que o PP de Feijoo tivese que retirar a privatizadora, empobrecedora e saqueadora Lei de Acuicultura. Temos que aprender, colaborar e compartir.

Na xuntanza de coordinación estatal das Marchas da Dignidade, celebrada o pasado 31 de Xaneiro en Madrid, realizamos unha serie de valoracións das mobilizacións de Outubro de 2015 e resolvinos na necesidade de reactualizar as Marchas como ferramenta valida de concienciación e mobilización. Propuxo-se o 28 de Maio como data para unha mobilización descentralizada en territorios e cidades. Nós como coordinadora galega autónoma e independente, mais coordinada a nivel estatal, tomamos a nosas propias decisións tendo en conta o analizado e acordado, na xuntanza estatal. Máis no medio xorden propostas de confluencia como son o resultado das xornadas europeas celebradas en Madrid os pasados 19, 20 e 21 de febreiro, onde desde un punto concreto de análise dun movemento supranacional como son as iniciativas  “Por un Plan B en Europa”, “Austerexit” o DiEM25 (Democracy in Europe Movement 2025), acaba por callar unha proposta de confluencia, trala conferencia europea na que participaron miles de persoas. O Plan B chama a un movemento internacional por unha Europa democrática e a unha gran mobilización o 28 de Maio, coincidindo coa data proposta pola Marchas da Dignidade da xa citada xuntanza estatal de coordinación. As Marchas da Dignidade, nos seus diferentes e diversos xeitos de organización, coordinadoras, plataformas, asembleas, ... a nivel territorial, non deben facer como que non ven, ou que non escoitan. Non podemos deixar que esta onda da conxunción europea formulada na "Declaración Para unha Rebelión Democrática en Europa", pase de largo ou en liñas paralelas que non se tocan e se ignoran. Hai moitos puntos en común que nos obrigan a ter en conta esta proposta. E así o vimos na Asemblea da Columna de Ferrolterra, celebrada o pasado mércores 2 de Marzo e que levamos á xuntanza da Coordinadora Nacional Galega celebrada o pasado xoves 3 de marzo en Compostela.

A próxima Asemblea de Coordinación Estatal das Marchas da Dignidade en Zaragoza, está proposta para o próximo 2 de abril. Aínda así, na anterior quedou aberta a posibilidade de vernos antes en función dos acontecementos e á espera de confirmación d@s compañer@s de Zaragoza (Ver Acta). Desde Galiza deberíamos solicitar este adianto da xuntanza estatal, pois a convocatoria europea xurdida da conferencia unitaria de Madrid e que moitos e moitas de nós subscribimos, non é algo que poidamos deixar de lado, como se non existise, temos que aborda-lo e tomar decisións. Non somos o mesmo que o Plan B, mais si temos importantes puntos de confluencia á vista do acordado no seu chamamento e declaración. Necesitamos non deixar pasar esa onda, e, sen un apoio explícito ao Plan B, si dicir que nos mobilizamos por "Unha outra Europa solidaria, xusta, democrática dos pobos e das persoas" fronte á Europa do Capital, do neoliberalismo, da cobiza e o saqueo, das grandes corporacións e da guerra.

As Marchas da Dignidade, non deben competir, senón todo o contrario, colaborar e compartir, e defender a unidade popular. Compre pois chegar a acordos con quen organiza as mobilizacións europeas do 28 de Maio, porque non é de recibo que haxa dúas mobilización paralelas o mesmo día. Poñamos-nos mans á obra xa!. Mentres, organicemos a mobilización do 28 en Lugo acordada na última xuntanza da Coordinadora Nacional da Columna Galega das Marchas da Dignidade.

As Marchas da Dignidade chamamos a que desde todos os recunchos de Galiza enchamos Lugo e fagamos na cidade das murallas unha grande manifestación, á vez que noutras terras e nacións do estado, á vez que noutras partes de Europa.

O 28 DE MAIO VOLVEMOS ÁS RÚAS.

Reunidos na Casa das Asociacións en Compostela, o 3 de Marzo de 2016, a Coordinadora da Columna Galega das Marchas da Dignidade, con presenza dos sindicatos: STEG, SLG, CUT, CGT e SF-Intersindical; dos colectivos: Acción Estudiantil e Colectivo Audiovisual Lentes Diverxentes; das asembleas comarcais de: Ferrolterra, O Morrazo, Vigo, Ames e Lugo; e as plataformas: Encontro Cidadán por unha Marea Galega, Asemblea Popular de Vigo, Plataforma de Afectad@s por Hepatitis C, e a Fronte Civica-SM; e os partidos políticos: PCG e Podemos; despois dun prolongado debate, acordamos convocar unha mobilización nacional o 28 de Maio na cidade de Lugo, en consonancia coas propostas  da Asemblea de Coordinación Estatal celebrada en Madrid, o pasado 31 de Xaneiro de 2016.

Trátase de situarnos, e situar, á bimilenaria muralla como parapeto defensivo da Dignidade.

PAN, TRABALLO, TEITO !!

|||||||||||||||||