luns, 15 de febreiro de 2016

Baixo chuvia e vento, en solidariedade con Alfonso e Raúl, os titiriteiros inxustamente detidos en Madrid - Fotos - Escrito de Karlotti Valle







Este sábado 13 de Febreiro de 2016, baixo chuvia e vento, en solidariedade con Alfonso e Raúl, os titiriteiros inxustamente detidos en Madrid. Pola retirada de todos os cargos que hai contra eles, pola inhabilitación do xuíz que o encarcerou e na defensa dos dereitos fundamentais. Minutos antes coa Marcha Mundial das Mulleres na denuncia do feminicidio que non cesa. Ademais das fotos que recolleitamos nas redes sociais queremos publicar este texto de Karlotti Valle que resume o noso sentir:
Arroupados pola choiva oblicua, desde o corazón da intemperie alzamos a voz contra o crime que a ignorancia alimenta, e contra o medo, a represión, a brutalidad e a miseria que o poder administra.

Denunciamos a arbitrariedade, a impunidade e a hipocresía.

Facemos responsables aos medios de comunicación, como parte do aparello represivo totalitario, que cada día, sen vergonza, exhiben, e que chaman democracia nun xesto de hipocresía intolerable.

Non imos a deixar ningunha inxustiza, ningún crime, a violencia de xénero, e a violencia económica, sen denunciar.

O machismo, a miseria, e a ignorancia, son o soporte deste poder corrupto que nos desgobeerna.

Risa e Resistencia
Marchas da Dignidade de Ferrolterra

Enlace relacionado:
Concentración en solidariedade cos Titiriteiros e en defensa dos dereitos fundamentais, sábado 13 de Febreiro na Praza do Concello de Ferrol, diante do Palacio Municipal. | Acceder.

|||||||||||||||||

xoves, 11 de febreiro de 2016

Concentración en solidariedade cos Titiriteiros e en defensa dos dereitos fundamentais, sábado 13 de Febreiro na Praza do Concello de Ferrol, diante do Palacio Municipal


Concentración en solidariedade con Alfonso e Raúl, os titiriteiros inxustamente detidos en Madrid, este sábado 13 de Febreiro ás 8 da tarde na Praza do Concello de Ferrol, diante do Palacio Municipal.


Aínda que nun principio convocamos ás 8 da tarde, con posterioridade, a Marcha Mundial das Mulleres, convocou unha concentración á mesma hora no mesmo lugar, como é habitual sempre que se produce un asasinato machista e desta vez un novo brutal crime tiña lugar hoxe en Becerrea, a violencia machista quitou-lle a vida a outra muller, un acto máis do xenocidio contra as mulleres, só polo simple feito de se-lo. Desde as Marchas da Dignidade de Ferrolterra, non podemos mais que sentir repulsa ante este novo asasinato e imos participar neste acto de denuncia, repulsa e condolencia, neste berro de dor que pide xustiza que pide acabar con este sistema patriarcal de dominio contra as mulleres, non mais violencia contra as mulleres. Pola igualdade, o respecto e a non violencia.

As Marchas da Dignidade, como non podía ser doutro xeito, atrasaremos o tempo necesario para non facer coincidir os dous actos. Mais facemos un chamamento para participar no acto convocado pola Marcha Mundial das Mulleres.

Como noutros lugares da Galiza e do estado este sábado 13 de febreiro, ás 8 da tarde na Praza do Concello de Ferrol, diante do Palacio Municipal, Concentración pola retirada inmediata de tódolos cargos que hai postos contra Alfonso e Raúl, en defensa da liberdade de expresión, para reclamar a inhabilitación do xuíz Ismael Moreno que os encarcerou e a derrogación da lexislación mordaza e criminalizadora da protesta social.

Marchas da Dignidade Ferrolterra

Contacto.-
Correo-e: marchasdadignidadeferrolterra@gmail.com
Teléfono: 602 587 531
Blogue de FerrolTerra:
http://marchas-da-dignidade-ferrolterra.blogspot.com.es/
Blogue Galego: http://marchasdadignidade.blogspot.com/
Web Estatal: http://marchasdeladignidad.org/

PAN, TRABALLO E TEITO - Á RÚA, QUE XA É HORA!!!

||||||||||||||||

luns, 8 de febreiro de 2016

Reclamando un Plan Comarcal de Choque contra o Paro, polo Emprego e a Renda Básica - Ferrol 8 de Febreiro de 2016 - Vídeo


O Luns 8 de Febreiro, ás 11:30hs, concentramo-nos diante das portas do Palacio Municipal de Ferrol, para reclamar un Plan Comarcal de Choque contra o Paro, polo Emprego e a Renda Básica.


Nas comarcas do noroeste poden-se facer moitas cousas se os gobernos e os partidos que se sitúan na esquerda quixesen. Só teñen que reunir-se e falar entre eles para tomar a decisión de elaborar, de xeito participativo, un PLAN COMARCAL DE CHOQUE CONTRA O PARO, POLO EMPREGO E A RENDA BÁSICA. E aquí é onde andamos desde hai case un ano que comezamos con esta demanda. Agora temos que pechar o ciclo e conseguir que os responsábeis municipais se poñan mans á obra. Nós estamos para demandalo, é por iso que confeccionamos un escrito para cada concello que estamos entregando perante esta semana e a que ven. Dentro desta campaña concéntramo-nos diante das portas do Palacio Municipal de Ferrol, para entregar o escrito correspondente a esta cidade e dimos conta publicamente e en rolda de prensa da iniciativa que levamos a todos os concellos das comarcas de Ferrolterra, do Eume e de Ortegal.

Escritos aos Concellos: Ares, Cabanas, Capela (A), Cariño, Cedeira, Cerdido, Fene, Ferrol, Mañón, Moeche, Monfero, Mugardos, Narón, Neda, Ortigueira, Pontedeume, Pontes de Garc. Rodr. (As), San Sadurniño, Somozas (As) e Valdoviño.


https://youtu.be/Zh14AjslrRU


A Asemblea das Marchas da Dignidade tomou decisións para continuar marchando polo camiño da mobilización, a concienciación e a solidariedade - Plan Comarcal de choque contra o Paro, ... e o Sector Naval da Ría de Ferrol.

|||||||||||||||||

xoves, 4 de febreiro de 2016

Onte foi un día importante, a asemblea das Marchas da Dignidade tomou decisóns para continuar marchando polo camiño da mobilización, a concienciación e a solidariedade - As Marchas e o Sector Naval da Ría de Ferrol


As Marchas na nosa Comarca somos unha plataforma de funcionamento horizontal e asembleario, en febreiro de 2014, desde a Columna Caranceira e máis tarde desde a Columna de Ferrolterra, tomamos unha decisión de marchar até Madrid, para manifestar-nos o 22 de Marzo, xunto a traballadoras e traballadores doutros lugares e nacións do Estado. Confluíamos en Madrid diversas columnas de traballadoras e traballadores, para dicir basta xa!, á política do goberno do Partido Popular e da Troika.

Marchabamos ... e seguimos marchando

« Polo dereito ao traballo.
« Polos dereitos sociais e o dereito a unha renda básica.
« Polo dereito a unha vivenda digna.
« Polos servizos públicos, a sanidade e a educación.
« Contra a corrupción , os corruptos e os corruptores.
« Contra o pago da débeda ilexítima que nos afoga.
« Contra a estafa e o roubo bancario.
« Polo dereito a decidir dos pobos das nacións do estado.

Na Galiza participamos na Columna Galega, formando parte da Plataforma Galega como a asemblea das Marchas da Dignidade de Ferrolterra. Facemos dous anos de asembleas e mobilizacións que se memorizan neste sitio na rede.

Esta iniciativa chamada Marchas da Dignidade, unía a moitas persoas afectadas polas políticas inxustas e empobrecedoras dos diferentes gobernos corruptos e neoliberais, presentes nas institucións e gobernos do estado a todos os niveis. Mas aínda non conseguimos botar do goberno español ao Partido Popular, nestas últimas eleccións xerais, foron o partido máis votado con máis de 7 millóns de persoas que depositaron unha papeleta apoiando-os. Con toda probabilidade, en Abril haberá novas eleccións, pois os poderosos sectores socioliberais do PSOE apertan con forza para que non haxa un goberno no estado capaz de paliar o sufrimento de millóns de persoas, derroguen a lexislación máis lesiva e aproben leis en beneficio da clase traballadora e contra o acelerado empobrecemento da poboación.

Desde as Marchas da Dignidade, sempre dixemos que non se cambia o rumo co voto, o voto ten que ir acompañado dunha mobilización constante na rúa, pois chegar ao goberno non é ter o poder, o poder conquista-se coa construción social e económica alternativa, concienciando e mobilizando, logo o voto será mais forte e decisivo.

Nas pasadas eleccións municipais do 24 de Maio de 2015, cambiaron cousas e gobernos, a nivel de estado se lles arrebataron cidades tan importantes como Madrid, Valencia, Zaragoza e Cádiz que pasan a mans de plataformas de esquerda alternativa. En Barcelona Ada Colau chega á alcaldía. O PP foi desaloxado dos seus principais bastións e, das dez grandes cidades do estado só conserva Málaga. O PSOE tamén lles arrebatou Sevilla e Alacante. O PP e PSOE na nova situación quedan empatados no controlo das pequenas e medianas capitais de provincia. Na Galiza o PP perde A Coruña, Compostela e Ferrol a mans de alternativas municipalistas de esquerda denominadas en moitos casos "mareas". Nas nosas comarcas o envorco é moi grande, o PP perde Ferrol, Fene, Neda, Cerdido, Cedeira, Ortigueira, Moeche, Valdoviño e Pontedeume,  só reten a de Cabanas e As Somozas, e gaña a de Mugardos onde goberna con minoría, posibelmente por pouco tempo. De 20 concellos que conforman as tres comarcas só teñen 3 alcaldías.

Nas comarcas do noroeste poden-se facer moitas cousas se os gobernos e os partidos que se sitúan na esquerda quixesen. Só teñen que reunir-se e falar entre eles para tomar a decisión de elaborar, de xeito participativo, un PLAN COMARCAL DE CHOQUE CONTRA O PARO, POLO EMPREGO E A RENDA BÁSICA. E aquí é onde andamos desde hai case un ano que comezamos con esta demanda. Agora temos que pechar o ciclo e conseguir que os responsábeis municipais se poñan mans á obra. Nós estamos para demandalo, é por iso que confeccionamos un escrito para cada concello que estamos entregando perante esta semana e a que ven. dentro desta campaña o vindeiro Luns 8 de Febreiro, ás 11:30hs, concentrarémonos diante das portas do Palacio Municipal de Ferrol, para entregar o escrito correspondente a esta cidade e daremos conta publicamente e en rolda de prensa da iniciativa que levamos a todos os concellos das comarcas de Ferrolterra, Eume e Ortegal.

Escritos aos Concellos: Ares, Cabanas, Capela (A), Cariño, Cedeira, Cerdido, Fene, Ferrol, Mañón, Moeche, Monfero, Mugardos, Narón, Neda, Ortigueira, Pontedeume, Pontes de Garc. Rodr. (As), San Sadurniño, Somozas (As) e Valdoviño.

Evento no facebook:
https://www.facebook.com/events/177543179279151/

O Sector Naval da Ría de Ferrol

Na última Asemblea das Marchas da Dignidade de Ferrolterra acordamos comezar a facer sesións monográficas sobre o Sector Naval da Ría de Ferrol (Navantia e industria Auxilia) como xerador de emprego. Trata-se de realizar unha aproximación o máis real posíbel a como se desenvolven as condicións de traballo, xornada, horas extra e salarios. Carga de Traballo actual e prevista. Condicións operativas da principal (Fene e Ferrol). Formación. Aplicación do Convenio Colectivo. Colectivo de Prexubilados. As relacións entre principal e industria auxiliar. Infraestruturas, maquinaria e bens de equipo, estado actual. Análise da Industria Auxiliar. Sistema de compras (aceiro, metais, compoñentes electrónicos e informáticos, ..). Sistema de contratacións da empresa auxiliar. Contratacións do persoal. A falta dunha verdadeira industria auxiliar na comarca que forneza de bens e complementos de alto valor engadido como motores, bombas, equipos de goberno, propulsión e manobra, equipos de manutención e de carga e descarga, equipos e instalacións eléctricas, de fluídos, TICs e sistemas electrónicos e hidráulicos, válvulas e accesorios. Análise das reivindicacións do Dique Flotante e Dique seco. O Sector Naval e a Diversidade industrial. Eólica Mariña. Aparatos Offshore. Para logo tirar conclusións, as posibilidades industriais, as posibilidades de xeración de emprego, acabar coa precarización e mellorar as condicións de traballo, salariais, ... Sabemos que moitas veces ten-se intentado abordar este asunto, mas cumpre intenta-lo de novo. A potenciación da contratación directa por parte das empresas publicas (Navantia). Temos propostas que facer.

A xuntanza inicial está prevista para o mércores 17 de Febreiro ás 18:00hs no Ateneo Ferrolán.

Foto de Cesar Toimil. | Maio 2015.

|||||||||||||||||||||

martes, 2 de febreiro de 2016

Terceira sesión da Asemblea das Marchas da Dignidade de Ferrolterra, para tratar sobre o Plan Comarcal de de Choque Contra o Paro - Mércores 3 de Febreiro ás 19:15hs no Ateneo Ferrolán


Terceira sesión da Asemblea das Marchas da Dignidade de Ferrolterra, para tratar sobre o Plan Comarcal de Choque Contra o Paro.


Mércores 3 de Febreiro desde as 19:15 até as 20:45 horas.
No local do Ateneo Ferrolán (Rúa Madalena 202-204).

Dedicaremos todo o tempo a tratar este tema:

1. Plan de choque contra o paro e renda básica.


Necesitamos que participedes e aportedes datos e coñecementos sobre todo o que rodea este tema e a política municipal, por exemplo:

.Todo o que implica a lei de estabilidade presupostaria, aprobada polo goberno do PP no 2012, sendo presidente Mariano Rajoy , e que limita o gasto que pode facer un concello.
"Disposición adicional primeira. Mecanismos adicionais de financiamento para as Comunidades Autónomas e Corporacións Locais.
1. As Comunidades Autónomas e Corporacións Locais que soliciten ao Estado o acceso a medidas extraordinarias ou mecanismos adicionais de apoio á liquidez, virán obrigadas a acordar co Ministerio de Facenda e Administracións Públicas un plan de axuste, cando sexa preceptivo, que sexa consistente co cumprimento dos obxectivos de estabilidade presupostaria e de débeda pública."
"Artigo 14. Prioridade absoluta de pago da débeda pública.
Os créditos presupostarios para satisfacer os intereses e o capital da débeda pública das Administracións entenderanse sempre incluídos no estado de gastos dos seus Orzamentos e non poderán ser obxecto de emenda ou modificación mentres se axusten ás condicións da Lei de emisión.
O pago dos intereses e o capital da débeda pública das Administracións Públicas gozará de prioridade absoluta fronte a calquera outro gasto."
Fonte: https://www.boe.es/buscar/act.php?id=BOE-A-2012-5730&lang=gl

. Pode un concello contratar directamente de maneira temporal, persoas que están nas listas do desemprego?

. Debe ser a Mancomunidade de Concellos da Comarca de Ferrol o lugar para desenvolver o plan de choque contra o paro e renda básica? Ou cada concello debe desenvolver a súa política ao respecto?

. Deben os concellos ou a Mancomunidade chamar e liderar mobilizacións da cidadanía para reclamar fondos económicos da Xunta ou do Estado para levar adiante plans contra o paro?

. A Renda Básica pode ser pagada unha parte en euros e outra en moeda social emitida polo concello?

.Todo o que pensedes que debamos debater sobre este tema


.Dato do paro da EPA (Enquisa de Poboación Activa) ultimo cuadrimestre - Artigo de interese en Praza Pública.
Ferrol segue sendo a cidade con máis paro e menos ocupación

A partir dos datos ofrecidos pola Enquisa de Poboación Activa, o Instituto Galego de Estatística (IGE) ofrece información singularizada sobre as taxas de actividade, ocupación e paro das sete grandes cidades galegas. O IGE advirte sempre de que "os resultados dos sete grandes concellos deben tomarse con precaución porque poden estar afectados por elevados erros de mostraxe". Con todo, a publicación este xoves das cifras do cuarto trimestre de 2015, permiten achegar o dato medio anual dos catro trimestres. Esta media presenta menos oscilacións e ofrece unha imaxe algo máis fiable.

O pasado ano as sete cidades galegas reduciron as súas taxas de desemprego e melloraron a ocupación, aínda que os datos seguen moi lonxe dos niveis previos á crise. Hai que seguir destacando a Ferrol polas cifras tan negativas que presenta. É a cidade -con diferenza- con máis paro (26,2%) e, sobre todo, a que ten unha menor taxa de ocupación. Nun segundo nivel, poderíamos colocar a Vigo (21,5%) ou Pontevedra (22,4%), tamén por riba do vinte por cento. Por debaixo desa cifra aparecen Ourense, Lugo, Santiago e A Coruña.

Máis interesante, se cadra, é observar a taxa de ocupación. A de Ferrol (34,5%), aínda que leva dous anos experimentando un lixeiro ascenso, implica que na cidade só 1 de cada 3 habitantes ten traballo, sendo o resto inactivos ou desempregados. A moita distancia (roldando o 45%) aparecen Ourense, Pontevedra, A Coruña ou Vigo. E só Lugo e Compostela presentan taxas de ocupación superiores ao 50 por cento.
Fonte: http://praza.gal/economia/11068/o-descenso-do-paro-detense-en-galicia-mentres-o-mercado-laboral-segue-minguando/


Enquisa de poboación activa (EPA) | Resumo de resultados 28/01/2016 | Datos correspondentes ao cuarto trimestre de 2015 | Instituto Galego de Estatística - IGE.  | Ir a Web.

Sobre a Renda Básica, distintos tipos, opinións e debates no buscador libre DuckDuckGo.

Achégate e participa!

||||||||||||||||