domingo, 22 de xuño de 2014

O berro de "pan, traballo e teito" rodeou o Parlamento Galego - Vídeo


O Parlamento foi rodeado, na mañá deste sábado, por unha gran marea reivindicativa convocada polas Marchas da Dignidade. "O Parlamento galego e os demais parlamentos de todo o Estado español foron secuestrados", denunciou o manifesto lido ao remate da mobilización, que centrou as súas críticas no poder financeiro, "unha mafia" que "coa principal colaboración dos dous partidos maioritarios, PP e PSOE, está a roubar o que é do pobo para entregarllo ás grandes empresas". O texto incidiu polo tanto na denuncia do control que o poder económico exerce o poder político e as súas institucións, un control que lle resta "lexitimidade" ao poder lexislativo e que xustifica a necesidade "situar o debate e a contestación nos Parlamentos, no europeo, no español, nos parlamentos autonómicos. Centros de decisión en teoría democráticos que deixaron de selo".

A deste sábado foi unha manifestación diferente. Polo seu percorrido e polo seu desenvolvemento, pois dende o seu inicio na estación de tren de Compostela, os seus integrantes fóronse estendendo e desprendendo, formando unha fileira no perímetro do Parlamento, coma unha longa corda que se desenrolaba. Así, até rodear por completo o exterior da cámara. Foi unha manifestación ruidosa, liderada polo berro de "pan, traballo e teito" e a demanda de "dimisión", tanto para Alberto Núñez Feijoo coma para Felipe VI.

Foi tamén moi significativo o papel dun grupo moi numeroso de bombeiros, moitos deles dende hai meses no contexto de sucesivos conflitos laborais polos seus dereitos, que non só lideraron a marcha en moitos treitos, senón que formaron un eficaz servizo de orde. De feito, outro dos berros máis escoitados foi o de "madeiros, aprendede dos bombeiros", dirixidos cara ás dotacións de antidisturbios que vixilaban a mobilización. E foi tamén unha manifestación chea de cor, de bandeiras de todo tipo: republicanas, estreleiras, comunistas, anarquistas, de Nunca Máis, ou das organizacións -da CUT a CGT, pasando por SLG, Podemos, o Sindicato Ferroviario ou o STEG- que máis se implicaron na súa convocatoria, apoiada expresamente por BNG e por todas as forzas que compoñen AGE.

Manuel Camaño, un dos voceiros da plataforma, entende "que hai unha clave frentepopulista e unha clave de unidade de clase e popular, que nos obriga a todos os que pensamos que este sistema é inxusto". Nos últimos días AGE chamou nun comunicado a secundar a convocatoria e a demandar “solucións a esta situación de fame e pobreza a través da “unidade popular” para destituír “a aqueles que non representan o pobo”. E, de igual xeito, o BNG defendeu que a Cámara "ten que ser a institución que recolla a voz da cidadanía acosada polas políticas de recorte do PP en todas as instancias nas que goberna".

Neste sábado 21 houbo manifestacións semellantes ante os parlamentos de todas as comunidades autónomas do Estado. Todas coa mesma demanda de "pan, traballo e teito" e o obxectivo de "devolver o poder ás persoas", como tamén lembrou o manifesto lido por unha activista das PAH, un texto que puxo en dúbida a lexitimidade que lles queda ás cámaras de representación: "ninguén lexitimou os partidos que gobernan para dar ós bancos preto de douscentos mil millóns de euros, ninguén lexitimou o goberno para que permita que se desafiucen ás familias mentres os bancos dispoñen de milleiros de vivendas baleiras, ninguén lles autorizou para facer pública unha débeda que era privada, ninguén autorizou o goberno a que siga as indicacións da Troika e ninguén autorizou un tratado de libre comercio entre Estados Unidos e Europa que será un dos maiores ataques á democracia en toda a súa historia".

A marcha pechouse coa lectura deste texto a uns poucos metros das portas da cámara, con berros de "non pasarán" e co emprazamento a unha nova manifestación ante o Parlamento para o vindeiro mes de novembro, continuando cun ciclo de mobilización que as Marchas da Dignidade e a columna galega do 22M iniciou precisamente ese 22 de marzo que reuniu en Madrid centos de milleiros de manifestantes. Nos últimos meses, ademais, o 22M mantivo unha actividade reivindicativa, centrada na denuncia dos elevados niveis de desemprego, na crise industrial, na defensa do dereito á vivenda e na loita contra os crecentes niveis de pobreza e exclusión social.

Por Marcos Pérez Pena, publicado no xornal Praza Pública 21 de Xuño de 2014 | Licenza Creative Commons by-sa.

Praza Pública precisa de Ti:
A forza de Praza Pública son os seus lectores e lectoras. Praza é un medio da súa comunidade de lectores. A existencia do xornal depende das achegas realizadas por todos nós [+info].
_______________


Rodea o Parlamento - Marchas da Dignidade - Compostela, 21 de Xuño de 2014)

http://youtu.be/kGYaw1-6a7A
Galiza ContraInfo


Marchas da Dignidade Ferrolterra
Contacto: marchasdadignidadeferrolterra@gmail.com  | Blogue de apoio ás Marchas de FerrolTerra: http://marchas-da-dignidade-ferrolterra.blogspot.com.es/ | Blogue Galego: http://marchasdadignidade.blogspot.com/ | Grupo no facebook:
https://www.facebook.com/groups/265451853621237/
 | Conta no facebook:
https://www.facebook.com/MarchasDignidade | No twitter:
https://twitter.com/galizaMarcha22M | Web Estatal: http://marchasdeladignidad.org/.

PAN, TRABALLO E TEITO - Á RÚA, QUE XA É HORA!!!
__________________

sábado, 21 de xuño de 2014

Manifesto 'Rodea o Congreso' das Marchas da Dignidade de Galiza


MANIFESTO

O poder económico, e o xogo da especulación nanceira, provocou unha crise social, e económica, que deu lugar a que o noso país sofra uns niveis de paro e miseria que fan que unha gran parte da súa poboación non consiga acadar unhas condicións de vida minimamente dignas. Mentres esta ma a xoga coas nosas vidas, os poderes políticos actúan como sicarios ao seu servizo, no canto de defender ás persoas que están a ser víctimas desta gran estafa. As súas explicacións non son máis que excusas para impoñer medidas a prol dos poderosos favorecendo que poidan manter o seu status, no canto de loitar para que a ninguén lle falte pan, traballo e teito.

O parlamento galego e os demáis parlamentos de todo o estado español, foron secuestrados polas ma as nanceiras, e coa principal colaboración dos dous partidos maioritarios PP e PSOE, están a roubar o que é do pobo para entregalo aos bancos e ás grandes empresas, moitas das cales instalan portas xiratorias para sentar nos seus consellos de administración aos mesmos que as favorecen cando gobernan. Os parlamentos do estado non están ao servizo das persoas, non fan o seu labor de representar a vontade popular, só serven aos intereses do poder económico. É hora de devolver o poder ao pobo, é tempo de recuperar o que é noso.

Ninguén lexitimou aos partidos que gobernan para dar aos bancos preto de douscentos mil millóns de euros, ninguén lexitimou aos gobernos para que permitan que se desa ucen familias mentres os bancos dispoñen de milleiros de vivendas baleiras, ninguén os autorizou para facer pública unha débeda que era privada, ninguén autorizou ao “PPSOE” para que siga as indicacións da Troika, e ninguén autorizou a negociación dun tratado de libre comercio entre Estados Unidos e Europa que será un dos maiores ataques á democracia en toda a súa historia. En pouco tempo imos ver como pasan a formar parte de nosa dieta carnes hiperhormonadas e alimentos tranxénicos, e nin sequera nos deixarán elixir se queremos ese tratado que están a negociar de costas ao pobo. Cando o parlamento non cumpre a súa función, carece de leximitidade.

No Parlamento Galego, con nocturnidade e aleivosía, privatízanse servizos públicos esenciais, como a sanidade, servizos de emerxencia, educación, servizos sociais... Péchanse camas en hospitais, reducen persoal docente no ensino, privatizan servizos de rescate, dilapidan cartos públicos en obras inútiles e, en de nitiva, tómanse decisións que levan ás persoas do común a unha situación de miseria e exclusión social. As leis que fai no parlamento o Partido Popular, e antes o PsdG, non resolven os problemas do pobo, só buscan favorecer a grandes corporacións aínda que sexa a custa da vida digna das persoas. Un goberno que permite que a súa poboación pase penurias non é lexítimo, e o pobo ten dereito a rebelarse contra él, tal e como dí a Declaración Universal dos Dereitos Humanos.

Tampouco nos dan respostas sobre o futuro que nos agarda. Se a única saída para ese 57% da nosa xuventude en paro é a emigración, se a clase traballadora ten que soportar unha baixada salarial tras doutra, recortes nas pensións ou limitacións nas prestacións por desemprego e aceptar calquera tipo de condicións laborais que propoña a patronal, ou se a recuperación pasa por eses datos do paro que mostran que o emprego que se creará será temporal e precario, daquela, non só nos abandonan, senón que tamén nos condenan. Déixannos sen traballo, sen casa, sen sanidade, sen pensións, sen estudos, sen futuro, sen vida!. E non podemos, nin vamos consentilo.

Por iso a Plataforma Galega das Marchas da Dignidade está hoxe aquí, porque queremos simbolizar que o Parlamento Galego non está a representar o pobo, e somos o pobo os que vimos rodealo, porque nos pertence, é noso, e temos a obriga de protexelo porque tamén nolo están a roubar.

Loitamos polos nosos dereitos e seguiremos a loitar, mentres non consigamos cambiar un sistema inxusto e antidemocrático, e devolver o poder ás persoas, sometendo o poder político á vontade popular. Loitaremos sen descanso pola xustiza social, por ter pan, traballo e teito para todas e todos no noso país.

Santiago de Compostela, 21 de Xuño de 2014

#Marchas da Dignidade de Galiza

Correo-e:
galiciaenmarcha@gmail.com

Blogue Galego:
http://marchasdadignidade.blogspot.com/

Grupo no facebook:
https://www.facebook.com/groups/265451853621237/

Conta no facebook:
https://www.facebook.com/MarchasDignidade
---

xoves, 5 de xuño de 2014

As Marchas da Dignidade o sábado 21 de Xuño en Compostela, na manifestación 'Rodea o Parlamento'


O Parlamento Galego foi secuestrado polas mafias financieiras e, coa principal colaboración do PPSOE, están a roubar o que é do pobo para entregalo aos bancos e ás grandes empresas, moitas das cales instalan portas xiratorias para sentar nos seus consellos de administración aos mesmos que lles favorecen cando gobernan. O Parlamento Galego non está ao servizo das persoas, so serve aos intereses do poder económico. É hora de devolver o poder ao pobo, é tempo de recuperar o que é noso. Cando o Parlamento non cumple a súa función, carece de leximitidade.

No noso Parlamento se privatizan Servizos Públicos esenciais, como sanidade, servizos de emerxenza, educación, servizos sociais..., péchanse camas en hospitais, reducen persoal docente no ensino, privatizan servizos de rescate, despilfarran cartos públicos en obras inútiles e, en definitiva, tómanse decisións que levan ás persoas do común a unha situación de miseria e exclusión social. As leis que fai no parlamento o Partido Popular, e antes o PsdG, non resolven os problemas do pobo, so buscan favorecer a grandes corporacións aínda que sexa a costa da vida digna das persoas. Un goberno que permite que a súa poboación pase penurias, non é lexítimo e o pobo ten dereito a rebelarse contra él, tal e como dí a Declaración Universal de Dereitos Humanos.

Por iso, a Plataforma Galega das Marchas da Dignidade estará o día 21 de xuño diante do Parlamento Galego, porque queremos simbolizar que non está a representar ó pobo e somos o pobo os que iremos a rodealo, porque nos pertence, é noso, e temos a obriga de protexelo da mafia.
  • Polo dereito ao traballo.
  • Polos dereitos sociais e o dereito a unha Renda Básica.
  • Polo dereito a unha vivenda digna.
  • Polos servizos públicos, a sanidade e a educación.
  • Contra a corrupción, os corruptos e os corruptores.
  • Contra o pago da débeda ilexítima que nos afoga.
  • Contra a estafa e o roubo bancario.
Á RÚA, QUE XA É HORA!

AVISO:


Desde Ferrol, sairán buses, ás 10:30hs, desde as inmediacións da 'Praza 10 de Marzal', no barrio de Recimil, con paradas en Caranza, Fene e Cabanas.

Prezo do bus (ida e volta): 7 euros.
Reserva de billete e información: 655 544 422 e 657 905 945, ou no correo-e:
marchasdadignidadeferrolterra@gmail.com



Marchas da Dignidade Ferrolterra
Contacto: marchasdadignidadeferrolterra@gmail.com  | Blogue de apoio ás Marchas de FerrolTerra: http://marchas-da-dignidade-ferrolterra.blogspot.com.es/ | Blogue Galego: http://marchasdadignidade.blogspot.com/ | Grupo no facebook:
https://www.facebook.com/groups/265451853621237/
 | Conta no facebook:
https://www.facebook.com/MarchasDignidade | No twitter:
https://twitter.com/galizaMarcha22M | Web Estatal: http://marchasdeladignidad.org/.

PAN, TRABALLO E TEITO - Á RÚA, QUE XA É HORA!!!
---

Convocada a VIII Asemblea aberta das Marchas da Dignidade Ferrolterra - No Ateneo Ferrolán o martes 10 de Xuño, ás 19:30hs

As Marchas da Dignidade seguen o seu camiño, en Ferrolterra está convocada unha nova asemblea aberta, desta vez terá lugar nos locais do Ateneo ferrolán, na rúa madalena, 202-204, o martes, 10 de Xuño, ás 19:30hs. O Grupo Aberto de Traballo e Cordenación, elaborou unha proposta de guión para a citada reunión que pasamos a trancreber:

GUIÓN PARA A VIII ASEMBLEA ABERTA DAS MARCHAS DA DIGNIDADE FERROLTERRA (10-06-2014)
1.- Acción do día 21 de xuño "Rodea o Parlamento":
  • Número de persoas apuntadas para ir a Compostela e valoración do número de buses a contratar.
  • Organización de pegadas de cartaces e reparto de panfletos.
  • Valoración e debate sobre se facemos algún tipo de acto público para presentar a acción: presentación, comunicado ou rolda de prensa.
2.- Cuestión financeira, tanto a nosa coma a da Plataforma Galega.

3.- Exposición e debate do acordado na asemblea da Plataforma Galega. [Vai nun arquivo].
4.- Quenda de palabras aberta.

--

Marchas da Dignidade Ferrolterra
Contacto: marchasdadignidadeferrolterra@gmail.com  | Blogue de apoio ás Marchas de FerrolTerra: http://marchas-da-dignidade-ferrolterra.blogspot.com.es/ | Blogue Galego: http://marchasdadignidade.blogspot.com/ | Grupo no facebook:
https://www.facebook.com/groups/265451853621237/
 | Conta no facebook:
https://www.facebook.com/MarchasDignidade | No twitter:
https://twitter.com/galizaMarcha22M | Web Estatal: http://marchasdeladignidad.org/.

PAN, TRABALLO E TEITO - Á RÚA, QUE XA É HORA!!!

---